HSA Platinum Literary Competition le HL Daka Memorial Hall inhlanna

Tuiṭhaphai, June 27, 2014: Zinga sun dar 11 khinh HL Daka Memorial Hall, HSA Campus, Rengkai-ah “HSA Platinum Jubilee Launching-cum-HL Daka Memorial Hall Dedication-cum-HSA Platinum Literary Competition” nei dinga riruong a ni a, khuollien dingin Churachandpur DC PK Jha hmang ning a tih.

Hun hongna le inhlanna Rev. HP Runremthang-in nei a ta, famtah HL Daka sung-le-kuo haiin hun tawi nei an tih. Hun ṭanna dingin “Tinkim ka dawn changin” ti hla sakna nei ning a ta, hun inhlan ṭongṭaina Rev. Samuel Khuma Joute-in nei a tih. Hmar Inpui president le Platinum Jubilee Celebration Committee (PJCC) honourary chairman Dr. John H. Pulamte-in keynote address nei bok a tih.

“Platinum Jubilee & Literary Competition” hongna khuollien-in nei a ta, PJCC chairman Rochunghnung-in lawmthu hrilna hun nei a ta, Rev. Jonathan Infimate-in ṭongṭaina nei a tih.

‘Light refreshment’ nei zoin hun hnina ṭan ning a ta; Essay, drawing le painting competition hai nei ning a tih.