Kawnpui-ah nupa ruong hmu

Aizawl, July 23, 2014: Aizawl khawpui anthoka km 54 vela hla Kawnpui-a Banglaveng-a um Jerry Lalnunpui @ Tetuna le a nuhmei Zoduhawmi @ Maduhi hai ruong chu hmu a ni a, chawhnung dar 3:30 vel khan an ruong hi lak suok fel niin Kawnpui-a an in-ah lak lut a ni hnungin post-mortem dinga pek a nih.

Jerry Lalnunpuia ruong hi Lalrinawma huon ṭu-ah inkhai a hmu a ni a, a’n awkhlum ni a ring a nih. Jerry nuhmei Zoduhawmi ruong hi a pasal ruong an hmuna sak lok, lo lampui sir-ah hmu a ni a, a nuhmei hi soisak hlum ni dinga ring a nih.

Zoduhawmi hmai le a taksa hmun hrang hrang hai chu a hliem nasa hle a, a hmel khom en tlaklo khopin kutthlakna nunghma a tam a, an vung nasa hle bok ni a hril a nih.

Ei thu lakna'n a hrildanin, Tetuna le Maduhi hin naute kum 2/3 vela upa an thi san niin a hril.

Zoduhawmi ruong hi ama nu ngei in, an chengna Aizawl Kannan Veng-ah lak a ni ta a, July 24 zing 12:30 khan a ruong hi Aizawl tlungpui a nih. Doctor hai post-mortem result dungzui chun Zoduhawmi ringru hi a tliek ni a hril a nih.