Union Environment minister Prakash Javadekar-in zawna zieka Lok Sabha-ah a pek dan dungzuiin, kum 2003-2012 inkar Assam-ah samak 939 an thi a, Uttar Pradesh (UP)-ah 13 le West Bengal (WB)-ah 50 an thi bok a nih.
"Kum 2012 census dungzuiin, Assam-ah samak 2505 an um a, UP-ah 30 an um bok a; 2013 census dungzuin WB-ah samak 229 an um bok a nih," tiin Javadker chun a hril.
Javadkar chun, India rama ramsa humhal le humhimna dingin sorkar-in hma a lak a; India ram pum huop-ah hmun ṭhenkhata hai ‘protected areas’ hai siem niin, ramsa vang ta le tlawm ta em hai sukpung nawk dingin “Integrated Development of Wildlife Habitats” scheme khom a siem bok a nih, tiin Lok Sabha a hril.
A hril peina a chun, Wildlife Protection Act 1972 dan hnuoi-ah ramsa hai chu dan kala ramsapeltu hai lak-ah venghim an ni thu a hril a; sorkar thlungpui chun State sorkar hai kuomah technical le sum ṭhangpuina hai khom a pek hlak thu a hril bawk.
Javaderkar chun, hi Wildlife Protection Act 1972 hin Central Bureau of Investigation (CBI) hai kuomah dan kala ramsapeltu hai man theina le hrem theina thuneihai khom pek bok an nih, tiin a hril.