Tulai hnaih a sutsuok ‘Statistical Abstract of Mizoram: 2013”-in a tarlang danin, Aizawl district-ah school hi a tam taka; primary school 482, middle school 421, high school 206 le higher secondary school 60 a um a nih.
Mizoram-a district hai lai Serchhip-ah school a tlawm taka; primary school 113, middle school 94, high school 38 le higher secondary school 7 a um a nih.
Hi report hin a tarlang pei danin, primary school-ah zirtirtu 8703, middle school-ah 9883, high school-ah 4414 le higher secondary school-ah 1468 an um a nih.
Mizoram pumpui-ah college 21 a um niin tarlang a ni bok a, hieng hai hi Aizawl-ah 9, Mamit-ah 2, Kolasib-ah 1, Champhai-ah 2, Serchhip-ah 1, Lunglei-ah 3, Lawngtlai-ah 2 le Saiha-ah 1 a um a nih.
Inchuklai umzat po chu 1,1754 a ni a, zirtirtu 636 an um a bok a nih. Inchuklai hai lai hin pasal 6,033 an um a, nuhmei 5,721 an um niin an tarlang bok a nih.