NE-ah check post thar 13 siem ding

New Delhi, July 20, 2014: India sorkar thlungpui chun ramri bul laia mihriem, thuomhnaw le lirthei fe inlon sukṭhat zuolna dingin Integrated Check Post (ICP) 13 thar siem tum a nih, tiin Minister of State for Commerce and Industry Nirmala Sitharaman chun Lok Sabha a hril.

Finance minister Arun Jaitley khomin sorkar thlungpui chun India hmarsak-ah Land Custom Station (LCS) siem belsa tum a ni thu a hril a; Bhutan ram le inremna dungzuiin Assam-a Bokajuli le Rangapani-ah LCS pahni siem a ni ding thu a hril bawk.