Flight Attendant sin hmu thar

CCPur, August 31, 2014: Nunghak hmeltha le fel, zaidam emem bawk Ladyzaidam Buhril chun Jet Airways (International) ah Flight Attendant sin a lo hmu tah.

Doctorate Degree hmu thar

Hyderabad, September 1, 2014 (Virthli): Nk. Ruth Zarzomawi Hauzel ( Ruth Z Hauzel) chun liemtah 28th August, 2014 khan English and Foreign Languages University (EFLU), Hyderabad hnuoi-ah Doctor of Philosophy (Ph.D) a lo hmu tah.

Hmar Literature Society, Meghalaya inhmukhawmna nei

Shillong, August 31, 2014 (Virthli): Zani khan Hmar Literature Society (HLS), Meghalaya chun Pu Rohminglien Buhril, IFS a in, Sylvan House, Cleve Colony, Shillong hmuna inhmukhawmna hun an nei.

Delhi HSA Frehers Meet le Platinum Jubilee lawmna hlawtling taka hmang

New Delhi, August 30, 2014 (Vithli): Hmar Students' Association, JHQ, Delhi chun Freshers Social Meet vawi 29-na le HSA Platinum Jubilee lawmna chu vawisun khan (Aug 30) Vishwa,Yuvak Kendra (International Youth Centre), Circular Road, Chanakya Puri, New Delhi hmuna hlawtling takin an hmang.

Aizawl-ah Career Awareness Seminar nei

Aizawl, August 30, 2014: Vawisun khan Sinlung Educational Trust (SET) huoihawtna hnuoi-ah ‘Career Awareness Seminar’ chu Chanmari YMA Hall, Aizawl-ah SET chairman JC Tlangthansiama keihruoina hnuoi-ah hlawtling taka hmang a nih.

Sinlung Hills Development Council (SHDC) huom sunga khuo hrang hranga college inchuklai Aizawl-a um mek mi ṭhahnem tawk tak fekhawmin, SHDC chairman Hmingchunghnunga le MZP GHQ president Lalhmachhuana haiin Seminar hi an hmangpui.

Resource person dinga fiel Zosanglien Zote (EE, PWD, Mizoram), Dr Zoramdinthara Khiangte (Asst Prof., Pachhunga University College) le H. Buonsanglien Inbuon (Asst. Manager, United Bank of India) ha’n topic hrang hrang hieng - General Awareness, Personality Development le Banking Jobs hmangin career, sin (jobs opportunity) le inchukna kawngah hriet ding pawimaw le hmasawnna ding thu ṭha tak tak inchuklai fekhawmhai an hril.

SHDC huom sunga inchuklaihai chu inchukna tieng an harthar a ṭul tak zet thu dam, Central/State sawrkar, Bank le Corporation dang danga hai sin hmu thei dan lampui le professional line-a lut thei dan lawmpui dam, inchuklaihai chu mani thiemdan (calliber) le sum ngirhmun izira sin zawng thiem le inchukna hmun thlang thiem a pawimaw thu dam Central sawrkar a chauh naw khawm Bank le corporation dang danga hai a tam thei ang tlangmi lut rawn a pawimaw thu le SHDC huom sunga inchuklaihai mi ei ang theina ding chun Education a ni thu uor takin hril a ni bawk.

Fiel bik SHDC chairman le MZP president hai khawmin thuhril tawi hrilin SHDC huom sunga inchuklaihai ta dinga Career Awareness Seminar buotsai a ni chu lawmum an ti thu le a buotsaitu SET ṭhuoituhai chung-ah lawmthu an hril a. Fiel bik laia ṭhang HSA GHQ ṭhuoituhai khawmin office sin buoina leiin ṭhang thei naw hai sienkhawm inchuklaiha’n hlawk taka Seminar hmang dingin an ditsakna vochuom an inhlan bawk a nih.

‘Sinlung Educational Trust’ hi October 2, 2013 khan Mizoram-a intellectual circle (mi iemanizat) inrawnkhawmin, inchuklai abiktakin SHDC huom sunga hai thei ang anga inchukna le sin zawngna kawnga ṭhangpui dingin Aizawl tlang-ah indin a ni a; HSA, MZP, MSU, College/High School Principal, VC le Student organization dang dang hai leh lungruol tak le thei ang anga inchukna tieng bika hma la dinga indin a nih. SHDC area hmun ṭhenkhat a hai khawm Career Awareness Campaign nei a lo ni ta bawk.

SET Office Bearers:

Chairman: Pu. JC Tlangthansiama, Teacher, Govt. Bawngkawn High School (Aizawl)
Vice Chairman: Pu. J. Lalvarlien Puruolte, Principal, Zuangtui High School (Aizawl)
Secretary : Tv. Henry L Khojol (Saipum/Aizawl)
Asst. Secy: Tv. Zoramsang Tusing (Aizawl)
Fin. Secy : Pu. Richard Batmawi Thiek (Aizawl)
Treasurer : Pu. Lalropuia, Principal, New Age Academy, Vaivakawn (Aizawl)

EXECUTIVE MEMBERS

1. Zosangliana Zote, EE, PWD, Mizoram (Aizawl)
2. Zoramdinthara Khiangte, Asst. Prof. Pachhunga University College (Aizawl)
3. Dr. Lalsiamhnuna, Principal, Saitual College
4. Dr. David Dailo Varte, Dy. Director, AH & Vety Deptt. Mizoram (Aizawl)
5. Rev. Vanlalchhuanga (Aizawl)
6. Francis K. Sungte, Teacher, Zuangtui High School (Aizawl)
7. Lalrawngbawla Ralte, Teacher (Aizawl)
8. C. Lianngura, Asst. DP&AR, Mizoram (Zuangtui Aizawl)
9. Samuel Ruolngul, Officer, SIB, Govt. of India (Tennis Court, Aizawl)
10. CT Vawra, Manager, Cooperative Societies (Aizawl)
11. Hrangkapa, Principal, Saipum High School (Saipum)
12. Lalthlengliana, JE (Sakawrdai)
13. L. Thansanga, Principal Ratu High School (Rtd) (Ratu)
14. HC Vanlalchhuanga, ITI Instructor (Aizawl)
15. Lalropuia Hmar, EE, PHE, Mizoram (Aizawl)
16. Darsanglien Khawbung, SIB, Govt. of India (Sakawrdai)
17. Ngurrivung (Parbung/Aizawl)

Mizoram Hmar Welfare Committee ṭhuoitu ding thlang

Aizawl, August 30, 2014: Vawisun sun dar 12:30 khan kum 2014-16 sunga Mizoram Hmar Welfare Committee (MHWC) ṭhuoitu ding hai thlangna nei a ni a, hieng a hnuoia mihai hi thlangtling an nih.

Diphu Govt College HSA Unit ṭhuoitu inthlangna

Diphu, August 26, 2014: Zani Thawṭannii August 25 chawhnung dar 3:30 khan kum 2014-15 sunga HSA Diphu Government College Unit ṭhuoitu thlangna nei a ni a; presiding officer-in adviser John L. Varte hmang a ni a, election secretaries-ah HSA DIphu unit president James Selate le secretary John Lalsandam Hmar hai chu hmang an nih.

Hmar nunghak Zoology-ah Gold Medallist

Shillong, August 25, 2014: Zani Pathienni August 24 khan Shillong-a North Eastern Hill University (NEHU) hnuoia M.Sc (Zoology) final result puong chu a ni a, Mizoram Phuoibuong khawsuok HC Lalramnghaki d/o Upa H. Lalsangzuala chun Topper le Gold Medallist a hmu niin ei thu lakna’n a hril.

HLS le Hmar kohran ṭhuoitu lu inrawnkhawmna nei

CCPur, August 25, 2014: Kar hmasak Inrinni August 23 khan Rengkai Govt. Hr. Sec. School-ah Manipur-a Hmar Literature Society (HLS) executive committee le kohran ṭhuoitu lu inrawnkhawmna nei a nih.

Shillong Val Upa inthlangna nei

Shillong, August 25, 2014: Voizan zan dar 7:30 vel khan Hmar Welfare Society, Shillong (HWSS) huoihotna hnuoi-ah Shillong Val Upa inthlangna Independent Church of India (ICI) Hall, Madanrting-ah nei a ni a, mi 50-60 bawr vel fekhawmin Val Upa thar ding mi 10 thlang an nih.

Career Awareness Seminar

Aizawl, August 25, 2014: Hung tlung ding Inrinni August 30 khin Sinlung Educational Trust (SET) huoihotna hnuoi-ah inchuklai le sin zonglai mek, abikin Sinlung Hills Development Council (SHDC) huom sunga khuo hrang hrang anthoka Aizawl-a inchuka um mek hai le HSA members hai ta dingin, ‘Career Awareness Seminar’ nei dinga riruong a nih.

Guest lecturer sin hmu hmar

Shillong, August 25, 2014: Shillong Hmar Students' Association (HSA) member Nk. Ruth Hmingchullo Keivom d/o Pu Lalsanghlun Keivom chun Mizoram University hnuoia department of mass communication-ah Guest Lecturer sin a hmu thar niin ei thu lakna'n a hril.

CCPur SDPO thlawpna thupuong

CCPur, August 23, 2014: Churachandpur in vawi tam tak buoina chi hran hran a tuok ta a. A tlangpuiin buoina hung inṭanna chu zurui lei a ni deu tak a. Women Organisation hran hran khawmin inruithei le Zu hi an lo do tah chu Law and Order in ṭhat tieng a pan thei chuong naw a.

GNRC le Pawan Hans in MoU an ziek

Kohima, August 23, 2014 (HT): Guwahati Neurological Research Centre Limited (GNRC) le Pawan Hans Ltd. chun India hmarsak biel ram kilkhawr haia medi-chopper service thaw dingin Memorandum of Understanding (MoU) an ziek.

MoU hi Dr Nomal Chandra Borah, Chairman & Managing Director, GNRC Hospital le Anil Srivastava, Chairman-cum-Managing Director, Pawan Hans han Joint Secretary Ministry of Civil Aviation, Govt. of India hrietpuinaa an ziek a nih.

Motor-a fe harsatna India hmarsak states Nagaland, Assam, Manipur, Meghalaya, Arunachal Pradesh, Mizoram, Tripura le Sikkim haia hmun kilkhawr deua cheng damnaw le damnaw inrik hai medical support ṭha taka pek theina dinga hi thil hi thaw a nih. Medi-chopper hin ventilator le damnaw hai ta dinga equipment ṭul hai a um vawng ding a nih.

Diphu-ah Hmar pawl hrang hrang hai inṭhungkhawm

Diphu, August 25, 2014: Zani hmasak Inrinni August 23 zantieng dar 4 khan Assam-a Karbi Anglong district headquarters Diphu sunga Hmar hnam pawl hrang hrang – Hmar Students’ Association, Hmar Youth Association le Karbi Anglong Hmar Association (Hmar Inpui) hai chu inṭhungkhawmna Covenant High School Campus, Hebron, Diphu-ah an nei.

Assistant Professor sin hmu thar

Guwahati, August 25, 2014 (Virthli): Tv. Dr. Robert Tuolor S/o Thildam Tuolor, Muolhoi/Haflong chun Assam State government hnuoi-ah Assistant Professor sin a lo hmu tah. Dr. Robert Tuolor hin a sin hi Goreswar College, Baksa District, Assam-ah September thla khin zawm a tih.

Guwahati HSA Freshers' Social Meet cum Platinum Jubilee Celebration ropui taka hmang

Guwahati, August 25, 2014: Zani hmasak Inrinni August 23 khan Hmar Students’ Association (HSA) Joint Headquarters, Guwahati huoihawtna hnuoi-ah GMCH Auditorium, Bhangagarh, Guwahati (Northeast-a Auditorium lienpawl tak)-ah Freshers' Social Meet le HSA Platinum Jubilee lawmna hun ropui taka hmang a nih.

Guwahati HSA Freshers Meet & Platinum Jubilee Celebration Photos