Imphal, August 17, 2014 (HT): ZYF, AZSU le ZSUM chun zani zan, zanrila inthawk August 17, 2014 zanril chenin National Highways No. 2 & 37 haiah darkar 24 sung bandh thaw an tum.
Hi bandh hi Zeliangrong mihai chengna bielah a hrat ring a nih. Bandh hi zani zanril khan ṭan a lo ni tah. Ringsanbou Newmai, Don Bosco College, Maram a kai lai chu July 28, 2014 a Josephine Girls Hostel Warden, Hingba Matthew in na takin a vuok hliem a; Hingba Mathew hi man dingin an ngen a, Police han an man naw leia lungawi lova bandh hi an thaw niin an hril.