Sorkar thlungpuiin Lokpal selection rules siemṭha ding

New Delhi, August 8, 2014: BJP keihruoi NDA sorkar chun fakrukna dotu, Lokpal member ruotna dan siem chu a ṭha tawk naw ni a hril an leiin siem ṭhat ning a tih, tiin a hril.

Lokpal Act hnuoia selection rules hi Prime Minister Narendra Modi ruot, member 3 umna committee-in report a thelut besanin siemṭhat a ni ding a nih.

Attorney-General Mukul Rohatji keihruoi committee hin selection rules hmanglai mek chu sukhran theidan hrang hrang a um ni a hrilin, hi hi hmang a ni chun appointment chungchang khom tawk danglam thei a ni ding a nih, tiin a hril.

Dan hmang mek hnuoia search committee chun selection committee ngaituo dingin Lokpal member a dinga candidate hming sawpsuok a tih. Selection committee hi prime minister-in inrawi a ta, Lokpal chairperson le member 8 hai ruot a tih. Rohatgi committee chun member hi 8 anthoka 7-ah sukhnuoi a rot bok a nih.