CCPur, August 10, 2014 (HT): Mr Emmanuel Fimate, SDPO, CCPur inrawinain Police le VDF han zani zantieng khan New Bazar-a OK Hotel le Diana Hotel hai an dap a, hieng hotel pahni haia inthawk hin Zu senchi- Romanov bottles 18, Smirnoff bottle 2, White Mischief bottles 11, Blue Ribbon bottles 17, Rum bottle 47, Beer Cane 20 le rakzu (local zu) litres 84 dapdawkin zani ma khan Police Station campus sungah an bunthlak vawng.
Chun, Zani hmasa zan dar 6:00 a inthawk khan SDPO inrawina bawkin District Police le VDF team 4 hai chun Zenhang Lamka, Tuiṭhapui panga Zu zawr le suongna hmun hai an dap a, Zu a suong ding bucket 23, zu suongna bel 5 dapdawkin an man a, zani sun dar 12 vel khan Zomi Colony leklak, Chiengkon vadungah an bunthlak vawng.
