Shillong-ah Hmar tlangval a thi

Shillong, September 15, 2014: Zani Pathienni zan dar 1 vel khan Shillong-a lekha inchuka um Tv. Lalkhawmawi Songate s/o Samuel Songate (Parbung) chu a in hluona chung New Hebron, Madanrting, Shillong-ah a thisain a ruong hmu a nih.

512 GB memory card

Amsterdam, September 15, 2014: SanDisk Corporation chun khawvela Secure Digital (SD) Card zor suok laia ‘data’ la keng rawn tak ding 512 GB SanDisk Extreme PRO SDXC UHS-I memory card chu September 11 khan a tlangzar.

SP capsule Rs. 2 lakh chuong manhu man

CCPur, September 15, 2015: Zani hmasak Inrinni khan Churachandpur district police hnuoia Drug Cell hai chu Francis Vala (k. 31) s/o (F) Lienkhomang of Rengkai, Venglai chu a chengna in anthokin damdawi Spasmo Proxyvon (SP) mum 14,841 an man.

Tipaimukh inzin Dr. Amo a hungtlung

CCPur, September 7, 2014 (HT): Sept. 3, 2014 nia Tuiṭhaphai, CCPur suoksana Tipaimukh lampui sietna hmun enfela inzin Dr Chaltonlien Amo, Chairman, HAC chu zani khan dam takin Tuiṭhaphai a hungtlung nawk tah.

KRA-U in an VC an inchawltir

Imphal, September 7, 2014 (HT): Kuki Revolutionary Army-Unification (KRAU) chun an Vice President Thangcha Chongloi @ S.H.T. George chu a hriselna ṭhatnaw le insung thil leiin a sina inthawk an inchawltir niin Boboi Kuki chun thusuok a siem.

Mercy Home-ah assessment camp nei

CCPur, September 7, 2014 (HT): Zani 10:00AM khan Kamdou Veng, Tuibuong-a Mercy Home-ah Liliance Fonds sponsored-na le FCC-Mercy Home huoihawtnain Assessment Camp nei a nih.

Thosilien hai damdawitui an inchie pek

CCPur, September 7, 2014 (HT): National Vector Borne Disease Control Society/CCPur chun zanikhan CCPur khawpui sunga Orphanage Home 6, Muon Inn, Bijang; Amazing Grace, Bungmual; Angels’ Place, Bungmual; Tabitha Home, Hiangtam Lamka; Only Grace, Vengnuam, New Lamka le Happiness Home, Pangjol hai an kan a, thosilen 200 chuong damdawi tui an inchie (bed-net impregnation) pek.

Kohran 10 ṭhuoituhai an inpawlpui

CCPur, September 7, 2014 (HT): Zani 11:00AM khan Dr Thangchinkhup Guite, CMO, CCPur inrawinain District Health Society (DHS), CCPur ṭhuoitu hai chun CCPur kawpui sunga Kohran tum tum 10-a ṭhuoituhai CMO Office chamber-ah an inpawlpui.

HLS, Meghalaya in literature tienga hma nasa taka lak an tum

Shillong, September 7, 2014 (HT): August 31, 2014 khan Hmar Literature Society (HLS), Meghalaya ṭhuoitu han Pu Rohminglien Buhril, IFS chengnain, Sylvan House, Cleve Colony, Shillong hmuna inhmukhawmna an nei a, hmatienga hmalak pei dan ding hai an hriltlang.

Thingat phur Shaktiman changsuol; mi 2 thi

Pherzawl, September 8, 2014: Zantieng dar 5 vel khan Talan le Pherzawl khuo inkar lai vel Thingat phur Shaktiman truck a changsuol a, a hmun-ah mi 2 an thi a, mi 5 an hliem niin ei thu lakna’n a hril.

Silchar HSA ṭhuoitu inthlang

Silchar, September 8, 2014: Zani khan Hmar Students Association, Silchar Branch chun kum 2014-15 sunga ṭhuoitu ding Durga Shankar LP School, Ambiccapaty-ah thlangna an nei a, hun hmasatak-ah Isaac Lalmalsawm-in ṭongṭaina a nei loin Lalringum Riengsete Dy. Secretary, HSA GHQ inrawina hnuoi-ah kum 2014-15 sunga HSA Silchar Branch ṭhuoitu ding a hnuoia ang hin thlang an nih.

CCPur HSA PJ Football Tournament zinga ṭan ding

Tuiṭhaphai, September 7, 2014: Hmar Students’ Association (HSA), Churachandpur JHQ Platinum Jubilee Football Tournament Qualifying Round chu zing-ah September 8 chawhnung dar 2:00 khin Saikot Khelmuol-ah ṭan ning a tih.

HSA Platinum Jubilee Street Corner Campaign ropui taka nei

By LRS Puruolte

CCPur, September 6, 2014: Hmar Students’ Association (HSA) chun an Platinum Jubilee le inzawmin Street Corner Campaign chu September 6 sun dar 12 anthawka zantieng dar 6 inkar sung khan Tuithaphai sunga Hmar khawtin fangin ropui le puithu takin an nei.

Hi hun hi Sinlung Royal Riders’ (SRR) leh a bul anthawka a tawp chen HSA ditsaktu le ngainatuha’n an motor hai leh an ṭawiawm bak-ah, khaw tum tuma lo ṭawiawmtu an ṭhahnem thei hle. Hi hun a hin HSA Platinum Jubilee Celebration le inzawma Event Coordinators haia inthawk HSA Platinum Jubilee lawm dan ding chungthu, tuchen a hmalaknahai le thuhril tawitete ngaithlak a ni a; HSA Platinum Jubilee Theme Song, HSA PJ Group Song, Solo, Live Band HSA PJ Band le Sinlung Royal Riders’ Sinlung Gurup (Live Band) haiin mipui hai hla le rimawiin an inawi a, mipui mit le na a suktlai hle. Tiddim Road line a lem chun Traffic a sukbuoi pha met a nih.

Hi hun thiltum puong a um hai lai HSA Platinum Star Hunt Audition Round chu Pu HL Daka Hall, HSA Campus, Rengkai, Churachandpur (Manipur)-ah September 13 anthawka ṭan a ni ding thu, HSA Platinum Football Tournament Qualifying Round/ Trail khawm Tuithaphai/ Churachandpur Joint Headquarters level-a mi chu September 8 anthawka ṭan a ni ding thu hai puong a nih.

Hi hun a hin Donation Box a mi ṭhahnemngai haiin an phal ang tawk tawk sum an thawlawm tawl a, hi sum hi HSA hmalakna le inzawma hlu taka hmang a ni ding thu HSA PJCC Event Coordinator in a hril bawk.

HSA Education Fund khawm tuta hma khan indin ṭan a lo ni tah a, hi Education Fund hi nakie tieng Hmar nau inchuklai lekhathiem thei tak tak tamtakin an la sawr ṭangkai besei a nih. Tuhin hi le inzawm hin Bank Account khawm hawng a lo ni tah a nih. HSA Education Department-in Education Fund hi enkai a tih. Inhnikna nei hai ta dingin HSA GHQ ṭhuoituhai indawn chieng thei a ni bawk thu HSA PJCC i/c Media (Publicity) chun a hril.

HSA PJ Live Band a hin Tv. Stephan P. Songate (Guiterist), Tv. Japhet Hranngul (Basist), Tv. Joseph Remruotsang (Drummer) hai hi an nih a insit an um naw hle. Chuongang bawka insit umlo HSA PJ Group Songs Tv. Vanlalchhunga Joute, Nk. Lalrindiki, Nk. Clearance Mawite, Nk. Priscilla Lalliensung Darngawn hai an ni a, anni hin PJ Theme Song khawm audio-in an khum zo tah nghe nghe a nih. Hun sawtnawte-ah HSA website-ah an hla khum hi upload ning a tih. Anni sak hi HSA PJ Theme Song Demo a hmang ding a nih, tiin HSA PJCC chun an hril bawk.

Tulaia rawlthar laia malzaia inlar thar mek Nk. Grace Famhoite in “Aw HSA, Aw HSA...” ti hla mipui a hang inawi ngat nawk lem chun mipui mit-le-na a tlai hle. Chu chauh khawm chu a la ni nawk nawh! Pu Lien Shakum-in “Punk Pawisa Neilo ti le Bithu D’” ti hla a hei sak nawk pei lem chun mipui an um ṭawk ṭawk thei naw hiel a nih. Tawp zai khawm rel an tak pha hiel.

Hmar ni sukhlutu laia mi Sinlung Royal Riders’ (SRR) Band (Sinlung Gurup) Pu David Buhril (Drummer & Singer), Pu Nicky Joute (Lead Guiterist), Tv. Blessing Buhril (Rhythm Guiterist), Tv. Immanuel Pulamte (Bass Guiterist) hai an nih. Hmar hi Pathien zarin ei lo duoi naw zie an lang chieng hle. Pu David Buhril-in “Pistol Puokruk” a hang sak lem chu mipui khawm a hip hle a, inlirthei inlawn khom a sukbuoi pha hiel. Press inlar tak takin hi hun hi an hung cover bawk. Hmatienga Event hrang hrang la um hai phur thar a um hle. Grand Finale huna lem chu an hawi ding ziet lo ngaituo tham a nih. MDCs/MLA Music Nite khawm la nei tum niin chanchin ei dawng bawk.

Hi hun hi Hmar Inpui president le general secretary khawmin an ṭawiawm a. Zantieng dar 6pm an riin Ngurte khuo-ah hun dit khawplo takin suktawp a nih.

HSA Platinum Jubilee lawmna le inzawm hin HSA General Assembly neina hmun hmasatak Ngurte, Tuithaphai/Churachandpur-ah tu kum December 11-14 khin nei dinga riruong a nih. Hi huna hin India ram le khawvel huopa Hmar inchuklai le Hmar MDCs, MLA, Officers han fiel an ni angin an hung uop beisei a nih. Hi hun ropui tak hi Central le State Sawrkar tienga milien mi lal hai khawmin fiel an ni ang ngeiin an hung uop ve ngei dinga beisei a ni bawk.

Hmatienga HSA Platinum Jubilee lawmna le inzawm hin Platinum Choir Hunt, Cultural Dance Competition, Debate, Traditional Sports le a dang dang khawm Item la nei tum pei niin chanchin ei dawng. Hi hun mi ṭhuoi tlungtu ei Pathien hring le hi hun hlawtlingna ding a hung hai po po le chanvo peka um anga mani chanvo ngai pawimaw a sukpuitlingtu, hun hmangna hun le hmun haia lo ṭawiawmtu hai po po bak-ah Donation Box-a ṭhahnemngaina suklanga thilpek le thawlawm thlaktuhai po po kuomah HSA PJCC chun lawmthu a hril.

Shillong HSA special conference hmasatakna ding nei

Shillong, September 7, 2014: Zani September 6 (Inrinni) zing dar 9:30 khan Hmar Students’ Association (HSA), Joint Headquarters (JHQ), Shillong huoihotna hnuoi-ah Shillong HSA conference hmasatak ding Pu Rohminglien Buhril In, Sylvan House, Cleve Colony, Shillong-ah nei a nih.

Hi special conference a hin Shillong HSA JHQ hnuoia Unit hrang hrang 5-a haia ṭhuoituhai, Shillong JHQ le General Headquarters ṭhuoituhai an fekhawma, chawhnung dar 4 vel chen rorelna hun nei a ni a, ruoi inhnik tawk tak kiltlang a ni bok.

Hi inkhawmnaa thurel ṭhenkhat hai chu – HSA JHQ Shillong hmingin Edu Fest huoihot nisien ti niin, Edu Fest-a hin Career Guidance, Leadership Training, Coaching le Educational Awareness Programme hai nei dinga ti a nih. Conference chun HSA Annual Magazine sutsuok nisien ṭha an ti tlang bok a, Editorial Board hai insiem a, kum nawk tieng khin sutsuok dinga ti a nih. HSA inopdan hai khom member ha’n an hriet theina dingin tiin HSA Inopdan Bu (Constitution)-a JHQ hmang dinga zieklanga um hai chu a hranin sutdoka, Unit tina sem dar nisien ti a ni bok.

HSA ṭhuoituhai bak-ah Shillong tlanga Hmar mi poimaw mi iemanizat hai khom conference hung uop dingin fiel an ni a, special conference-a ṭhang po hi mi 50--60 bawr vel an nih. Ruoi kil zo hin September 25-a Shillong HSA puol bika HSA Platinum Jubilee lawmna ding le inzomin inṭhungkhawm niin, hun tawp tieng hla le rimawi remin hun inhoi taka hmang a ni zoin zan dar 9 vel khan ṭin dar a nih.

Doctorate degree hmu thar

Aizawl, September 6, 2014: Tv (Dr). Zomuana Zote, S/o Tlanglawma, Kanan Veng, Aizawl chu Department of Library & Information Science, Mizoram University (MZU) chun thla hmasak August 25, 2014 khan Doctorate Degree a lo inhlân tah.

HSA PJCC ha'n Manipur chief secretary inhmupui

Imphal, September 4, 2014: Voisun khan Hmar Students Association (HSA) Platinum Jubilee Celebration Committee (PJCC) honorary chairman Dr. John Pulamte le HSA CEC member Hrilsangmawi hai chun Manipur chief secretary PC Lawmkunga chu a office chamber-ah an inhmupui a, kum tawp December-a HSA Platinum Jubilee 'main celebration' huna Choir Festival-a khuollien dingin an fiel.

Motor inlawn hai an dap

CCPur, September 4, 2014 (HT): Traffic Police le District Police ṭhangruol hai chun zani hmasa khan Tuibuong Peace Ground-ah motor inlawn vel hai check an thaw ṭan.

Teacher transfer hai an post pangngai-a an la thawk ding

CCPur, September 4, 2014 (HT): Director of Education (s), Govt. of Manipur in August 27, 2014 nia Teachers hai transfer & posting order an suo naa CCPur District sunga Primary Teacher 225 an ṭhang a, hienghai laia 48 hai chu CCPur district puotienga sawn an nih.

Mary Kom a lungawi nawh

New Delhi, September 4, 2014 (HT): Bollywood actress Priyanka Chopra in a chanchin ‘Mary Kom’ ti film an changna Manipura theatres/cinema Hall haia insuo lo ding ngirhmuna a umna thuah Olympic medalist boxer Mary Kom chun a lungawinaw thu a hril.

Dr Chaltonlien Amo Tipaimukh bielah

CCPur, September 4, 2014 (HT): Dr Chaltonlien Amo, Chairman, Hill Areas Committee, Manipur le President, HNU chu vawituk hin Imphal suoksanin Tipaimukh A/C pan a tih.

Platinum Jubilee Souvenir Board le Election

Shillong, September 4, 2014: Thla hmasak August 24 khan Hmar Students’ Association (HSA) Extended CEC inṭhungkhawmna chu Shillong hmuna nei a ni a, hi inṭhungkhawmnaa hin HSA Platinum Jubilee Souvenir chungchang ngaituo niin Editorial Board a hnuoia ang hin indin nghal a nih.

HSA Platinum Jubilee Street Corner Campaign

Tuiṭhaphai, September 4, 2014: Hmar Students’ Association (HSA) Platinum Jubilee Celebration le inzomin hung tlung ding September 6 (Inrinni) sun dar 12 le chawhnung dar 4 inkar Tuiṭhaphai sunga Hmar khuotin fangna “HSA Platinum Jubilee Street Corner Campaign” nei ning a tih.

Hmar thlatin chanchinbu Zawlbuk Today tlangzar

Guwahati, September 4, 2014: Voisun khan Hmar ṭonga thlatin suok chanchinbu thar full-coloured hmasatak ding Zawlbuk Today chu Guwahati khawpui-ah tlangzar a lo ni tah.

Shillong HSA Special Conference

Shillong, September 3, 2014: Hung tlung ding Inrinni September 6 zing dar 9:30 khin Hmar Students’ Association (HSA), JHQ, Shillong Special Conference chu Pu Rohminglien Buhril In, Sylvan House, Cleve Colony, Shillong-ah nei ning a tih.

Jorhat Hmar Welfare

Jorhat, September 3, 2014: Jorhat Hmar Welfare hai chun thusuok siemin, nikum 2013 August 11 khan Jorhat-a Hmar um hai chun Jorhat Hmar Welfare an indin thu tarlangin, Jorhat-a inzin buoina le harsatna tuok an um chun inthlahrung loa bel thei zing an ni thu an hril.

Platinum Cup Football le Star Hunt thu-a Imphal HSA thusuok

Imphal, September 3, 2014: HSA Imphal JHQs Platinum Jubilee Celebration Committee thusuokin a tarlang danin HSA Imphal khomin hung tlung ding September 13 khin HSA Platinum Cup Football le Platinum Star Hunt-a an JHQ aiawa thang ding hai thlang suokna le kum 2014-16 sunga thuoitu ding inthlangna nei an tum thu an hril.

HSA CCPUR JHQ-in a buotsai HSA unit puonzar

Tuithaphai, September 3, 2014: Zanita Joshua R. Joute, Secy., Sports thusuokin a tarlang danin HSA CCPur JHQ chun HSA JHQ CCPur-in a buotsai Unit HSA Flag (Puonzar) chu Rs. 200 pei peka hieng Unit hai anthawk hin Jeffrey Saihmang Event Coordinator, HSA JHQ CCPur - HSA Platinum Jubilee Football Tournament Qualifying Round kut a inthawk hieng Unit hai hin Sept. 5, 2014 chena lam dinga ngen le inhriettir an nih.

Children’s Home Saikawt 34th Foundation Day

CCPur, September 2, 2014 (HT): Zani (Sept. 1, 2014) khan Children’s Home, Saikawt indin a nia inthawk kum 34 tling “34th Foundation Day -cum- Birthday Celebration chu Anna Marie Rookmaaker Hall, Children’s Home campus-ah hmang a nih.

SP-in Refreshers Course a hawng

CCPur, September 2, 2014 (HT): Zani 11:00AM khan SP Office campus sunga H. Pradeep VDF Barrack-ah District Police le VDF personnel hai ta dinga First batch Refresher Course a hawng.

Inter-School Trial-cum-selection

CCPur, September 2, 2014 (HT): District Youth Affairs and Sports hmalaknain September 15-27, 2014 inkar sung khin Peace Ground, CCPur-ah Disiplines tum tum haiah District Level Inter-School Trial-cum-Selection Test um a tih.

SO (Civil) tling thar

Imphal, September 2, 2014 (HT): Manipur Public Service Commission (MPSC) huoihawtna hnuoia Section Officer Grade I&II (Civil) Exam Manipur Combined Examination, 2014 result chu August 28, 2014 khan puong a ni a.

KNLA pakhat Pistol leh man

Imphal, September 2, 2014 (HT): August 31, 2014 khan Gwaltabi hmuna 16th Assam Rifles han KNLA cadre pakhat, Manglet (50) s/o Lengthong of Khonom, CCPur District chu 7.65mm Pistol pakhat le a mu 3 leh an man a, Lamlai PS-ah an peklut niin PRO, Assam Rifles (S) chun a hril.

Guest Lecturer sin hmu thar

Imphal, September 2, 2014 (Virthli): Ruth Lalsiemsang Sungte w/o Joseph Lalremruot Sungte, Imphal/Bridge Street chun Indira Gandhi National Tribal University (IGNTU), Department of Sociology a dingin Guest Lecturer sin a hmu thar.

Platinum Jubilee Football Tournament qualifying round le inzawma HSA JHQ CCPur thusuok

Tuithaphai, September 2, 2014: August 31, 2014-a HSA GHQ Office, HSA Campus, Rengkai, CCPur hmuna HSA JHQ CCPur huop sunga Unit 16 a’nthawk a palai fekhawm hai chun hung tlung ding September 8, 2014 a inthawk Sielmat, Rengkai, Saikawt Play Ground haia HSA CCPur JHQ huoihawtna hnuoia HSA Platinum Jubilee Football Tournament Qualifying Round neina ding le inzawmin hieng thu hai an rel.

Hmarbiel-a pastor hai inhmukhawmna

Parbung, September 2, 104: Thla hmasak August 28 le 29 khan Hmarbiel Pastor Organisation (HPO) chun, Parbung-ah inhmukhawmna an nei a, khawtlang huopin RPC Biekin-ah rongbawlna an nei niin chanchin ei dong.