TOPICS

Browse news based on the categorised topics:

Lok Sabha inthlang zo-ah Indo-Bangla rel project ṭan ding

Posted by Lalremlien Neitham

Agartala, April 23, 2014: Northeast Frontier Railway (NFR) chun India le Bangladesh inkara rel lampui siem ding chungchang-ah Lok Sabha inthlangna nei zo hnung-ah Tripura sorkar chu mimal ram lak dan ding thu-ah hma la dinga nor a tum thu NFR thuneituhai chun an hril.

NFR general manager (Construction) RK Singh chun, Tripura-a rel project fepui mek hai sinthawna a endik a, India le Bangladesh inkara rel lampui km 15-a sei siemna ding khom a endik nghal.

RK Singh chun Tripura-a NFR official hai kuoma chu mimal ram lakpek dan ding chungchang-ah State sorkar be rawn zing dingin a hril bawk.

RK Singh-in rel project a endiknaa hin Agartala train station le Nishchantpur inkara rel lampui siem mek a chun sinthaw indik tawklo a hmu suok a, track innghatna ding level indiknaw hai chu pil hmanga hnawbit dingin an hriettir nghal bok a nih.

Inno-Bangladesh rel lampui siem ding hi India ram tieng km 5 a ni a, a bak km 10 chu Bangladesh ram tieng ning a tih. Rel lampui siemna dinga mimal ram lakpek chungchanga buoipui ngai hai chu nikum December khan Bangladesh chun an sukfel tah tiin NFR thuneitu chun a hril bawk.


SHOW YOUR ADS HERE

Blog, Updated at: 2:38 PM

RECENT NEWS

RECENT COMMENTS

Blog Archive