Burma Mizo haiin Lal Thanhawla chawimawi ding

Aizawl, May 04, 2014: Burma-a Mizo hai chun Mizoram chief minister Lal Thanhawla chu Pathien zar le mipui ditsakna leiin ṭum 5 zet Mizoram CM a tling leiin chawimawi an tum. Lal Thanhawla hi Burma-a khuo pahni-ah chawimawina inhlan ning a tih.

Burma-a khuo pahnia ṭhuoituhai chun Lal Thanhawla kuoma chun fielna an thon taa, ama khomin an fielna a pom pek niin an hril.

Programme duon lawk danin, tuta kar May 9 hin Salachhuah khuo-h Lal Thanhawla chu chawimawi ning a ta, hi huna hin Salachhuah khaw hnaih laia khuo dang hai khom an ṭhang ve ding nia a hril.

A ṭum hnina dingin kar thar May 12 khin Vuangtu khuo-ah chawimawi ni nawk a ta, hi huna hin khaw 22 anthok mipui an fekhawm ding niin an hril bawk.

Hi khaw pahni-a khawtlang ṭhuoitu le thuneituhai chun Lal Thanhawla chu “Zofate Hotu” nina inhlan a phu hle thu an fielnaa an inchuon niin an hril a, Mizoram CM voi 5 zet a tlingna tthu-ah chawimawi a phu hle niin an hril bawk. Hi chawimawina hun a hin Lal Thanhawla thloppui hai khom fiel ve an ni thu an hril bawk.