Chalfilh group YMA conference 17-na

Aizawl, May 02, 2014: Thla hmasak April 30 anthoka May 2 sung khan Mizoram-a Chalfilh Group YMA chun Pehlawn Community Hall-ah Conference voi 12-na an nei a, hi inkhawmnaa hin RL Pianmawia, MLA chu khuollien a ṭhangin, biel MLA Dr. Ngurdingliana chu khuolzaum a hmang a nih.

Conference a hin inelna chi hrang hrang – Volleyball, Hlapawl le Quiz hai nei a ni a, hnam lam inentirna le special items chi hrang hrang nei ani bawk.

Conference chun thu 6 an pom a – Mizoram-a Total Prohiobition Act hmang mek hi hlip an nawna dingin hma lak, Tuirini leilak chu tuta mi neka ṭha lema siem ani theina dingin hma lak, kum 2015 Chapchar Kut chu group huom sunga branch haiin a huhoa hmang ding, group huom sunga Higher Secondary hai ngirhmun ṭha lema hlangkai an ni theina dingin hma lak, zing dar 10 hnunga thi hai khawvarpui hlak chu zing dar 9 a son hmat ding ti le group huom sunga tuihnar hai ṭha taka humhal an ni theina dingin hma lak nisien ti hai hi a nih.

Chalfilh Group YMA huom sunga hin branch 18 an um a, group le branch hrang hrang anthokin palai 140 chuong hi Conference a hin an fekhawm a nih.