Kangmei suok, in 20 kang ral

Dimapur, May 11, 2014: Inrinni May 10 chawhnung dar 1 khan khan Dimapur-a Burma Camp laia Namgalong Colony a chun kangmei a suok a, chengna in 20 le dawr in pakhat a kang ral vong a, thuomhnaw lakh tel man a kang siet niin ei thu lakna chun a hril. Kangmei suok ṭan dan hi tuchen hin hriet chieng ala ni nawh.

Namgalong Colony Council (NCC) chairman Majachung Gangmei-in thusuok siemin, mei ṭheltuhai a hun tak-ah an hung tlung hman leiin a kawl hnaia in dang hai an him phaa, kangmei suok ṭheltu a kawl hnaia mi tlawmngaihai hai kuoma le in kang sungkuo hai lo somdawltu IR Mahila Battalion hai khoma lawmthu a hril.

Kangmei ṭhelna ding hin ‘fire tender’ 5 hmang a ni a, darkar 2 vel deu tho ṭhel a nih.