Lok Sabha inthlangna-ah Nagaland-ah vote tla ṭha tak

Aizawl, May 24, 2014: Election Commission of India (ECI) tarlang danin, tu kuma Lok Sabha inthlangnaa khan India rama State hai laia vote tlak ṭhatna tak chu Nagaland a ni a, vote 87.82% a tla a, vote tla tlawmna tak chu Jammu & Kashmir niin vote 49.52% chauh a tla thung a nih.

Pasal vote thlak ṭhatna tak khom Nagaland-ah niin, 88.15% a tla a nih. Nuhmei vote tla ṭhatna tak chu Lakshadweep-ah a ni a, vote 88.42% a tla ve a nih.

Bihar, Uttarakhand, Himachal Pradesh, Arunachal Pradesh, Manipur, Meghalaya, Tamil Nadu, Goa, Dadra and Nagar Haveli, Daman and Diu, Lakshadweep, Chandigarh, Odisha, Puducherry, Punjab le Sikkim-a hai chun pasal vote nekin nuhmei vote a tla ṭhalem bok a nih.

India ram pumpuia vote tla zat chu 66.4% niin, kum 1951 anthoka Lok Sabha inthlangpui nei ṭan ani anthoka vote a tlak ṭhatna ṭum tak ala nih. Kum 2009 inthlangpui khan vote 58.19% a tla a nih.