Mizo tlangval-in Shaurya Chakra a dong

Aizawl, May 02, 2014: Voisun khan India president Pranab Mukherjee chun a chengna Rashtrapati Bhavan, New Delhi-ah India sipai huoisen hai chawimawna hun Defence Investiture Ceremony hmang a ni a, chawimawi hai lai hin Mizo tlangval khom a ṭhang nghe nghe a nih.

Hi huna hin India sipai mi 55 hai kuomah huoisenna lawman (gallantry award) an hlan a, hieng lawman dong hai lai hin Mizo tlangval Mamit khawsuok Sepoy Lallawmzuala of 18 Rashtriya Rifles (Rajputana Rifles) khomin sipai huoisen chawimawina “Shaurya Chakra” a dong a nih.

Nikum January thla khan Jammu & Kashmir-ah Lallawmzuala hin helpawl intomrukna hmun a lutchila, huoisen takin a bei a, a huoisenna leiin hieng helpawl Jaish-e-Mohammed hai commander le helpawl mi iemanizat a kap hlum a nih.