NCHISF le NCHIWF bandh in nundan pangngai a sukbuoi

Haflong, May 24, 2014 (HT): Zani zingkar 5AM a inthawk North Cachar Hills Indigenous Student Forum (NCHISF) le North Cachar Hills Indigenous Women Forum (NCHIWF) ṭhangruol han darkar 24 sung bandh an thaw leiin Haflong le Dima Hasao District hmun ṭhenkhat haia chun nundan pangngai a sukbuoi hle.

Haflong le Maibang, Gunjung le Diyungmukh haia chun schools, Colleges, transport system, banks, Post Offices le office dang dang hai khar vawng an nih. Bandh leia buoina suok ruok chu hriet a ni nawh tiin official thusuok chun a hril.

Indian Constitution Article Article 244(2) and 275(1) hnuoiah District hran siem dinga ngenna le Rs. 1000 crore sukchavaina chungthu khawm CBI le NIA suizui dinga ngennaa bandh hi an thaw a nih. Hi baka hin NC Hills Autonomous Council thawktu hai thla 7 hlaw pe dingin bandh thawtu hai chun an ngen bawk.