NE-Burma bus service

New Delhi, May 14, 2014: India hmarsak biel le South Asian countries hai kar sumdawngna ṭha siem theina dingin tiin kar thar Thawṭanni May 19 anthok khin Burma le India inkar bus service tlan ṭan a tih, tiin India sorkar thuneitu pakhat chun a hril.

Bus hai hi Imphal-Mandalay (Burma) inkar le Mizoram-Burma lampui inkar tlan hlak a tih, tiin India external affairs ministry-a secretary Anil Wadhwa chun a hril.

Kum 2009 khan India chun rambung 10 inzomkhawm Association of Southeast Asian Nations (ASEAN) hai le chun Free Trade Agreement (FTA) besanin “trade & goods” thuthlung an ziek a, tu kum kumbul khan “services & investment” thuthlung an ziek bok a nih.

India chun Burma fethlengin Moreh le Thailand-a Mae Sot khawpui infepawna khom siem a tum mek a, Kolkata port le Sittwe port khom tuipui, vadung le lampuia zom a tum bok a nih.