NEICC biennial session voi 1-na CCpur-ah

CCPur, May 12, 2014: Hung tlung dingin May 15 anthok 18 chen khin Churachandpur-a Rev. Chawnga Memorial Chapel, Sielmat-ah North East India Christian Council (NEICC) Biennial Session voi 1-na (76th Session Overall) chu nei ning a tih.

Hi biennial session thupui dingin, Isai 54:2 besanin “Enlarge your Tent” ti hmang ning a ta, Evangelical Free Church of India (EFCI)-in host a tih.

Hi inkhawmpui a hin NEICC-a kohran member hmun hrang hrang anthoka hung palai hai chu May 15 khin tlung khawm an ta, May 16 khin Executive Committee Meeting le Business Session–I nei an tih.

May 17 sun a khin Business Session II & III nei ning a ta, zan dar 7 in “Public Worship Service” nei ning a tih.

A ṭum tiek ni May 18 zing tieng “Holy Communion Service” nei ning a ta, “Public Worship Service” in zom a ta, chawhnung dar 2 anthok dar 4 chen “Unity Public Worship service” nei ning a tih.

Zan dar 7 in inkhawmna nei ni nawk a ta, hi huna hin Churachandpur khawpui sunga kohran pawl - EFCI, ICI, Zou Synod, EBC, KBC, EAC, ECA, RPC(NEI) le Manipur Synod haia inthokin Choir hlapawl ngaithlakna nei a ni bakah Mizoram, Nagaland le Meghalaya anthokin Choir hlapawl haia inthokin hlapawl ngaithlakna nei ni bok a tih.

Thuhrilna chu Rev. Lalramliana Pachuau (Exe. Secretary, Mizoram Synod), Rev. Greater Burn Mara (GBC), Rev. DC Haia (PCI) le Rev. Dr J. Huoplien Neitham (President NEICC) hai anthok ngaithlak ni bok a tih.