Pakistan thuneitu hai chun Karachi khawpui-a Malir Jail-a intang India mi ngamantu 59 le Hyderabad (Sindh province)-a Nara Jail-a hrentang ngamantu 59 hai chu ansuo bok a nih.
Pakistan prime minister Nawaz Sharif thupek dungzuiin ngamantu hai hi voisun hin India le Pakistan ramri Wagah/Attari hmun lai India thuneituhai kuoma inlang ning an tih.
Hi thil hi Nawaz Sharif-in India prime minister thar dinga Narendra Modi-in thusam a neinaa ṭhang dinga a fe hmaa a thupek a nih.
Kum iemanizat hnunga India le Pakistan haiin an ram mi ngamantu an hrentang hai insuo nawkna a ni a, tuta ṭum hin Pakistan-in hma a lak hmasakna a nih, tiin Pakistan thuneituhai chun an hril.
“Kan sinsie dungzuiin India sorkar-in Pakistan mi 521 a hrentang mek a, hieng hai lai hin ngamantu 168 an ṭhang a, an sung-le-kuo hai kuomah an hung kir nawk theina dingin Pakistan sorkar-in India sorkar ansuo ve a beisei ve a nih,” tiin Pakistani thuneituhai chun an hril bawk.
