Phalna neiloa nga man an tam

Aizawl, May 11, 2014: Mizoram-a Serlui B Hydel Project tuitingna-ah phalna nei loa nga man an tam hle a, nga man phalna nei ding hin sum chawi a ngai naw a, hienglai hmuna nga man ding ha’n phalna ruok chu an nei a ngai, tiin Kolasib District Fisheries Development Officer (DFDO) C. Lalawngliana chun a hril.

Inrinni khan Kolasib district-a Mizoram Journalists Association (MJA) hai le Kolasib DC le thuneitu ṭhenkhat hai chun Serlui tuitingna hmun an sirna-ah C. Laldawngliana chun hi thu hi a hril a, Serlui ‘B’ tuitingna hmuna nga man phalna hi a kawla inthok ngen thei ani thu le man man phalna lak dingin poisa seng a ngainaw thu a hril a. Nga man nuom hai chun a ruk a rala thaw lo dingin a dit thu a hril a, a kawla inthok phalna hni thei a ni a, man boa phalna pek thei ani thu hrilin, amiruokchu tu chen hin nga man dinga hnina pelut an la umnaw niin hril.

Fisheries dept. in Serlui tuiting-a hin nga an khawi mek a, bomb hmanga nga man hi phal a ninaw laiin bomb hmang ru hlak an um ti khom hriet a ni thu DFCO chun a hril bawk.