Ramri buoi chungchang-ah ZWO-in MHA secretary lekha a thon

Aizawl, May 06, 2014: Zani khan Zofa Welfare Organisation (ZWO) chun Mizoram le Assam ramri thubuoi chungchang-ah Minister of Home Affairs (MHA) secretary kuomah lekha a thon a, Assam-a Hailakandi DC Shamsher Singh laka chun dan anga action lak dingin an phut.

ZWO lekha thelut a chun, thla hmasak April 23, 27 le 29 a hai khan Assam Police le Forest thuneituhai chun Mizoram sunga lutin Buhchangphai Ramtharzau-a Mizo pahni leilet in pali an suksiet thu le thlai iemanizat an suksiet thu an intlun a, Assam sorkar mi hai chet dan hi SC/ST Act dan bawsietna ani thu an tarlang.

ZWO chun, Hailakandi DC Shamser Singh-in Buhchangphai Ramtharzau hai Assam State sung nia a hril hi thil indik an naw thu an hril a, hienglai hmun hi Mizoram sung ngei ani ti an ziek bawk. Buhchangphai-a Assam mi hai chet dan chu India danpui Article 14 bawsietna ani thu an tarlang bok a nih.

ZWO-in MHA secretary kuoma lekha a pek copy hi Assam le Mizoram chief secretary hai kuoma khom pek a nih.