Imphal Campaign-ah Japanese sipai 49,000 thi

Imphal, June 30, 2014: Japan minister le deputy chief of mission, Embassy of Japan Yasuhisa Kawamura chun zani zingkar khan Imphal-a Hotel Classic-ah thuthar lakhawmtuhai inhmupuiin, Indopui II-naa khan Japan ramin "Imphal Campaign" a ding Japan sipai 78,000 a tir a, kha indonaa khan Japan sipai 49,000 vel an thi, tiin historian hai suidan a hril.

Tuta ṭuma Japanese diplomat hung inzin hi Manipur voi 2 a hung inzinna a nih.

Manipur-ah Japanese hospital indin ani ti a hriet naw thu a hril a, Manipur Sericulture Project Phase-II siemna-ah Japanese hai kut a ṭhang ti khom a hriet naw thu a hril bawk.

Tu taka Japan sorkar-in a ngaituo tak chu loan, infrastructure development, lampui le meivar siem ani thu hrilin, Red Hills-a Indopui II-naa thi hai hrietzingna hmun bawl - memorial complex - suk hmasawnna ding thu-ah an ramin India sorkar a rawn ding thu a hril bawk.

Japanese lemchangtu le siemtu Junichi Kajioka film tawi siem thar "Imphal 1944" khom a’npak hle thu a hril bawk a nih.

Minute 30 a sei "Imphal 1944" film hi kar hmasak Inrinni June 28 khan Battle of Imphal (WWII) kum 70-na le inzoma programme tawp zanin Imphal-a MFDC Hall, Palace Ground-ah inentirna nei a nih.