Kum 77-a upa HR Bhardwaj hi UPA-I a khan Law Minister niin, kum 2009 June 29 khan Karnataka governor sin a chel ṭan a; Assam minister hlui kum 71-a upa Devanand Konwar chu June 29, 2009 anthok March 21, 2013 sung Bihar governor sin a chel hnungin Tripura governor-a son a nih.
Mizoram governor Vakkom B Purushothaman chu Tripura governor thar ruot nawk hma po Tripura governor sin chel bel a ta, Meghalaya governor KK Paul chun Nagaland governor sin chelsa bok a tih.
India sorkar-na BJP-in a chel anthokin UPA hnuoia governor-a ruot hai chu inban dingin norna a um a, voisuna inban ding hai tiemsa-in tuchen hin governor nina anthoka inban mi 5 an um taa, governor 2 dang – West Bengal le Goa State-a hai khom an inban vat ring a nih.
Thu dong danin, BJP India sorkar chun governor hai inbanna State a hai hin BJP hlun hai ruot a tum nia hril a nih.
