Kum 3 sung Manipur-ah TB leia thi mi 224

Imphal, June 30, 2014: Manipur-a Revised National TB Control Programme (RNTBCP) hai suidan chun, kum 3 liemtah sung khan Tuberculosis (TB) natna leia thi Manipur-ah mi 224 an um a, State sunga TB treatment centre le hospital dang danga TB-a damnaw mi 1,795 vel enkol mek an ni bawk.

RNTBCP hai suidan chun, nikum October thla chen khan TB natna nei Manipur-ah mi 1,509 an um a; tutak hin mi 1,795 an um a nih.

Kum 2013 sung le tukum kum bul tieng khan TB natna leia thi mi 61 an um bok a nih.

Kum 2011 le 2012 sung khan TB natna nei mi 2,567 enkol an ni a; mi 103 an thi bok a nih.

Kum 2012 le 2013 sung khan TB natna nei damnaw inzieklut mi 1,677 an um a, hieng hai lai hin mi 80 an thi a nih.