Mizoram CM-in bat thungna ding ngen

New Delhi, June 30, 2014: Mizoram chief minister Lal Thanhawla chun union finance minister Arun Jaitley chu inhmupuiin Mizoram-in Rs. 5000 crore bat a nei a thungrul theina dingin “Special Non-Plant Grant” pe dingin a ngen a, Jaitley chun Mizoram bat buoina chu sukfel theina dingin lampui dap ani ding thu a hril.

Zani khan Thanhawla chun Jaitley chu New Delhi-ah minute 20 vel a’nhmupuia, kum 20 sung helna leiin suk-le-pai changkangna tieng India State dang hai nekin Mizoram chu kum 30 deu thawn a hnungtol thu a hril.

Hi baka hin tuchena Finance Commission hai chun Mizoram mamaw zat neka tlawm sum ṭhangpuina an pek hlak leiin tuta ngirhmuna um an ni thu a hril a; kum 2013 March 31 chen khan Mizoram bat zat po po chu Rs. 5114.20 crore ani thu hrilin, hieng hai thungrulna dingin “Special Non-Plan Grant” pe dingin a ngen a nih.

Jaitley chun Mizoram sum harsatna sukfel ani theina dingin theitawpin lampui a dappui ding thu Mizoram CM kuoma chun alo hril.