Hi inṭhungkhawmna a hin sorkar thuneituhai le sports inzomkhawm pawl hrang hrang anthoka an palai hai an ṭhang bok a nih.
“Regional Plan for Sports Sector” thiltum tak chu India hmarsaka sports tieng mi thiem tak tak hai domkang a, sports tienga an thiemna le inzulin kong dang danga inthokin an mamaw hai ngaituo pek hlak ding ti a nih. Hi Regional Plan hin level hrang hrang hieng school, college, club le inchukna in insang hai khom a huomsa vong ding a nih.
Tu tak hin NEC hnuoia Sport Sector-in India hmarsak State hai-ah sports project hrang hrang neiin sum ṭhangpuina a pek a; chuonghai chu Arunachal Pradesh-ah project 10-a ding Rs. 722.86 lakh, Assam-ah project 18-a ding Rs. 633.17 lakh, Manipur-ah project 16-a ding Rs. 869.60 lakh, Meghalaya-ah project 15-a ding Rs. 1375.42 lakh, Mizoram-ah project 17-a ding Rs. 1029.45 lakh, Nagaland-ah project 13-a ding Rs. 799.07 lakh, Sikkim-ah project 7-a ding Rs. 543.91 lakh le Tripura-ah project 5-a ding Rs. 296.50 lakh a nih.
Inṭhungkhawmnaa hin inkhelmi bang tah le la’n khel zing hai kuoma sin pek dan ding, sports nursery indin dan ding, sports domsangna dinga public-private partnership chona pek dan ding, sports inchukna in hai suk hrat dan ding le India hmarsaka sports suk changkang dan ding hai hriltlangna nei a nih.
