TOPICS

Browse news based on the categorised topics:

Tuivai tuitingna dingin harsatna um

Posted by Lalremlien Neitham

Aizawl, June 25, 2014: PHE mawphurtu Mizoram chief minister Lal Thanhawla inrawina’n zani khan a office-ah Power & Electricity department hotu haiin Mizoram-a meivar chungchang thu an hriltlanga. Inṭhungkhawmnaa hin Tuivai Hydro Electric Project thoktu ding haiin sum an hmuna ding-ah harsatna an tong thu tarlang a nih.

Tuivai HEP, megawatt 210 pe suok thei ding, Ministry of Finance-a Department of Economic Affairs (DEA)-in Viability Gap Funding hmanga public private partnership (PPP) mode-a siem a remti tah chungchang-ah, a siemtu dinga thlang haiin sum an hmuna ding-ah harsatna a um leiin an phurnaw thu hrillang ani bawk.

Inṭhungkhawmnaa tarlang danin, Tuivai HEP hi DEA ta dinga pilot project ani leiin a hlawtling ngei theina dingin hma lak mek a ni a, New Delhi-a bawzui dingin High Power Committee khom indin ning a tih.

Chief Minister chun, Serlui ‘B’ HEP siemna man cheng crore 12 bat ani thu hrilin, “Contractor M/s BHEL-Mecon in leibat hi sorkar-in a pek tlak vat naw chun Court-ah fe an tum a nih,” tiin a hril a. P&E engineer-in-chief L. Pachuau chun, leibat rulna dingin NABARD anthokin sum puok an tum thu a hril.

Inṭhungkhawmnaa hin minister Lal Thanzara, P&E secretary Lianchungnunga, P&E secretary (rtd) CL Thangliana le P&E CE pathum - K Guite, Lalnunmawia le Vanlalhruaia hai khom an ṭhang bawk.


SHOW YOUR ADS HERE

Blog, Updated at: 8:13 PM

RECENT NEWS

RECENT COMMENTS

Blog Archive