CCPur-ah Diarrhea control programme

CCPur, July 31, 2014: Zani khan Churachandpur-a Chief Medical Officer (CMO) Dr. Thangchinkhup Guite chun a office-ah thuthar lakhawmtuhai inhmupuiin, zinga inthokin sungkhaw natna (diarrhea) sukremna dingin programme ṭan a ni ding thu a puong.

India ram pum huopa programme hi Manipur health minister T. Phungzathang-in August 1 vailiem a ta, Dr. VC Pau Tonsing le child specialist doctor mawphurna hnuoi-ah Churachandpur CMO le District Family Welfare-a thoktuhai chun sinthawna nei an tih. Hi programme a hin ASHA le Aganwadi sinthawtuhai khomin ORS le damdawi ‘Zinc’ chu district sunga in tin-ah sem bok an tih.

CCPur CMO chun, diarrhea hi India-a naupang kum 5 tienga hringna latu natna laia pakhat ni a hrilin, ngai poimaw a ni hle thu a hril.

Nene la nek naupang laia diarrhea natna invoi hai chu ‘Zinc’ damdawi mum chenve pek ning an ta, a kum upat pei izirin damdawi chu pek an ni ding thu hrilin, hi programme hi mipui hrilhrietna kongna thuthar lakhawmtuhai chun thangpui dingin CMO chun a ngen nghal bok a nih.

Hi programme hi India sorkar hnuoia Ministry of Health and Family Welfare sum thangpuina le hmalakna hnuoia nei ding a nih.