CCPur-Sugnu lampui siemṭhatna hnatlang

Imphal, July 23, 2014: Voisun hin Singngat biel MLA Ginsuanhau Zou le Sangaikot MDC Tongkhokai Baite inrawina hnuoi-ah Churachandpur le Sugnu lampui siemṭhatna sin thaw dingin hnatlang ṭan ning a tih.

Churachandpur police station anthoka Sangaikot T.D. Block hi km 22 a sei a ni a, ni 4 vel liemtah anthok khan ruosur leiin lampui a por bak-ah inlon a suk harsa hle leiin Churachandpur anthokin darkar khat le chanve hiel a lak hlak ni a hril a nih.

Lampui siemṭhatna hnatlang a hin Singngat assembly constituency le Sangaikot T.D. Block mipui hai chu sinthaw dingin inthok an ta, JCB pahnih hmang ning a tih. Hnatlang sinthawna hi MGNERA hnuoi-ah ni 5 sung thaw dinga ti a nih.