TOPICS

Browse news based on the categorised topics:

CCpur ta dingin Mobile Soil Testing Van

Posted by Lalremlien Neitham

CCPur, July 05, 2014: Zani khan Tuiṭhaphai Saikot khuo-ah Manipur Agriculture department-a district agriculture officer (DAO) inrawina hnuoi-ah leilet neituhai ta dingin ‘training programme’ nei a ni a, mi 30 bawr vel hi programme a hin an ṭhang niin ei thu lakna chun a hril.

Churachandpur DAO RK Dorenchand chun, “Hi training programme thiltum chu leilet neitu haiin an leilet ram le hnuoi thatna hlo (fertilizer) an hmang ṭangkai thei dan ding ngaituo a huoihot a nih,” tiin a hril.

Dorenchand-in leilet neituhai kuoma chun, "Agriculture department anthokin man tlawmte’n hnuoi ṭhatna hlo le leilet hmangruo dang hai lak thei zing a ni a, iengtik huna khom leilet neituhai ta dingin department kot an hong zing a nih," tiin a hril a, ngam taka pan hlak dingin a hril bok a nih.

DAO chun, “Tulai scientific hmangruo hmanga leilet pil endik lawk hi thil poimaw tak a ni a; pil hrietchieng hmasa phot chun ieng thlai chi am ching inla tha thei a ta ti hriet thei a nih,” tiin a hril. Hi le inzom hin Churachandpur district ta dinga ro hlu tak ding ‘Mobile Soil Testing Van’ khom hun sawtnawte hnunga nei vat beisei a nih, tiin a hril bawk.

Programme a ṭhang agricultural specialist K. Ranju le K. Ajit hai khomin hun neiin, agriculture policy hmang dan ding chungchang thu an hril a, "Leilet neitu haiin hrietnawna leiin fertilizer a let tam an hmang hlak leiin hnuoi pil le an thlai ching haiin an sietpui pha hlak a nih," tiin an hril bawk.


SHOW YOUR ADS HERE

Blog, Updated at: 10:10 PM

Receive updates by e-mail

RECENT NEWS

RECENT COMMENTS

Blog Archive