A nuhmei hrildanin, HDFC-a thok mek Joseph Lalhmangai hin Thawṭanni khan a kuomah training a nei thu le tour programme a nei a hril a, amiruokchu, voisun ni chen hin a chanchin hriet zom a ninaw thu le a phone chawi khom switch off zing a ni thu a hril. Thawṭanni sun lai vel khan Ladrymbai Zofa hotel a hmu a ni thu khom hriet a ni a, zantieng inthim tawmin Guwahati a tlung vang tah thu a nuhmei a hril bok ni a hril a nih.
Voisun khan Khliehriat police station-ah FIR thelut a ni thu ei thu lakna chun a hril bawk.
Joseph Lalhmangai hi kum 34 vela upa, thau taluo lo, ngo tieng pang, feet 5.4 vela insang ni a hril a nih. Ama hi mi tlawmngai thei tak, bengvar tak le inruithei thil laka fihlîm mi ni a hril a ni bawk.
A nuhmei Elyn Ramneivar hi Saidan, Manipur khuo a ni a, tuhin Khlehriat-a CHC-ah GNM Nurse sin thaw lai mek a nih. Joseph Lalhmangai le Elyn Ramneivar hin nau 2 - kum 4 le kum 2 mi an nei a, CHC quarter-a khawsa mek an nih.
Joseph Lalhmangai hi a lo hmu le a chanchin hre pal dam an um chun 9612110499-ah inhriettir dinga ngen an ni thu ei thu lakna chun a hril.
