‘Total Prohibition’ suktawp nghal lo ding

Aizawl, July 12, 2014: Mizoram excise & narcotics commissioner Lalhmunsanga chun Mizoram Liquor (Prohibition & Control) Bill 2014 chu passed nisienkhom Mizoram Liquor Total Prohibition (MLTP) Act 1995 chu hlip a ni nghal naw ding thu a hril.

Lalhmunsanga chun, MLPC Bill chu passed nisienkhom, hmang nghal ding a ninaw thu hrilin, “Rules hai siem ning a ta, pom a ni hnung-ah sorkar-in MLPC Bill hi hmang theia a i ngai hun hun-ah hmang ning a tih. MLTP Act thlaktu ding MLPC hmang ding hin notification hai suksuok a la ngai ding a nih,” tiin a hril.

Lalhmunsanga hril danin, MLPC rules a ding hin ngaidan le ditdan hai chu um ta sienkhom, ziekin iengkhom sie a la ni naw a; Rules-ah hin zu dawn thei ding chin hai, zu zor phalna pek dan ding hai, zu dawn ding phalna pek dan ding hai le bill-a chuong lo thil poimaw dang hai tarlang ning a tih, tiin a hril.

MLTP Act khom kum 1995-a passed nisienkhom, kum hni hnung February 20, 1997 khan hmang chauh a nih, tiin a hril bawk.