“Zealot: The Life and Times of Jesus of Nazareth” lekhabu hi kum 2003 khan insuo niin inselna nasa tak a chok suok a nih. Bible-a inziek khel tieng Isu Krista chanchin tam tak tarlang a ni a, a chanchin mak tak tak khom ziek belsa a nih. Aslan hin hi lekhabu a hin muongna dit tak Isu ni si, a’nchuktir hai inralring dinga hriltu, ramhuoi hai hnotsuoka damnaw hai mi tam tak hmu laia sukdamtu ni si, a’nchuktir hai kuomah ama chungchang hril suok lo dinga ti tlattu ni bok si, le thil dang tam tak zepsa a nih.
Sakhaw hrang hrangin Isu an thlir dan chungchang chipchier takin a tarlang a; Kristien ha’n hnuoi le van siem a ni dan, an pomdan le sakhaw dangin an ringdan hai a khaikhin bok a nih.
Aslan chun a lekhabu ziek thiltum hrilin, "Isu chanchin chu sakhuona tieng nekin mihriem hai hmakhuo ngaisaktu ang zawnga ka ziek a nih," tiin a hril.
“Sakhuo tienga Ph.D degree pali nei ka ni a, chuong hai laia pakhat chu Thuthlung Thar degree a ni bak-ah Thuthlung Thar ziekna ṭong Koine Greek khom ka thiem a, kum 20 neka tam Kristien sakhuo hung inṭan dan kan chuk ta bok a nih,” tiin a hril.
Aslan hi Iran suok, America mi a ni a; Kristien sakhuo anthok Muslim-a inlet a nih.
Movie-a siemtu ding le lemchangtu ding hai ruok chu puong ala ni nawh.
