TOPICS

Browse news based on the categorised topics:

Career Awareness Seminar

Posted by Lalremlien Neitham

Aizawl, August 25, 2014: Hung tlung ding Inrinni August 30 khin Sinlung Educational Trust (SET) huoihotna hnuoi-ah inchuklai le sin zonglai mek, abikin Sinlung Hills Development Council (SHDC) huom sunga khuo hrang hrang anthoka Aizawl-a inchuka um mek hai le HSA members hai ta dingin, ‘Career Awareness Seminar’ nei dinga riruong a nih.

Seminar hi Chanmari YMA Hall, Aizawl-ah sun dar 11 a nei ṭan ning a tih.

SET chun, Aizawl-a Hmar inchuklai le sin zong hai bak-ah nu-le-pa hai khom seminar-ah hin ṭhahnem ngai taka ṭhanga hlawkpuina hmu ngei dingin a fiel bok a nih.

“Seminar hi hun hni-a ṭhe ning a ta, hun khatna a hin resource person hai anthokin lecture/presentation ngaithlak ning a ta, hun hnina hi career chunchanga zawna siem nuomhai le hriet belsa nuomhai ta dingin ‘Interactive Session’ a hmang ni bawk a tih,” tin SET thusuok chun a tarlang.

Seminar conductor dingin SET chairman JC Tlangthansiama ning a ta, hunser hmangtu dingin Rev. Vanlalchhuanga ning a tih.

Resource person a dingin Zosanglien Zote (Executive Engineer, PWD Mizoram), Dr. Zoramdinthara Khiangte (Asst. Prof. Pachhunga University College), H. Buonsanglien Inbuon (PO, United Bank of India) le Samuel Ruolngul (Officer, SIB, Govt. of India) hai hmang ning an tih.

Hi huna hin special invitees SHDC, HSA GHQ le MZP GHQ ṭhuoituhai khom fiel an ni bok a, thutawi hrilna hun pek ning an tih.


SHOW YOUR ADS HERE

Blog, Updated at: 10:10 PM

Receive updates by e-mail

RECENT NEWS

RECENT COMMENTS

Blog Archive