TOPICS

Browse news based on the categorised topics:

Diphu-ah Hmar pawl hrang hrang hai inṭhungkhawm

Posted by Lalremlien Neitham

Diphu, August 25, 2014: Zani hmasak Inrinni August 23 zantieng dar 4 khan Assam-a Karbi Anglong district headquarters Diphu sunga Hmar hnam pawl hrang hrang – Hmar Students’ Association, Hmar Youth Association le Karbi Anglong Hmar Association (Hmar Inpui) hai chu inṭhungkhawmna Covenant High School Campus, Hebron, Diphu-ah an nei.

Hi inṭhungkhawmna a hin mi 16 vel an fekhawm a, HSA Platinum Jubilee lawm danding chungchang le HSA Diphu Branch chungchang hai ngaituo le hriltlang a nih.

Hun hmasatakin HSA Diphu unit president Tv. James Selate-in fekhawm hai lawmlutna a nei a, Upa L. Rawnvel Khawbung-in Pathien kuomah ṭongṭaina a nei zoin thu putlut hai ngaituo tlang a nih.

Inṭhungkhawmna a hin HSA Platinum Jubilee Celebration Committee indin nisien tiin rel a ni a, Committee ding khom lungruol takin a hnuoia ang hin ruot nghal a nih.

Chairman - Tv. James Selate, Secretary - Tv. John Lalsandam Hmar, Finance Secretary - Nk. Esther Infimate, Treasurer - Nk. Pricila Varte, Executive Committee Member - Tv. Paul Johnson (Vice President HSA), Tv. George L. Infimate (Asst Secy HSA), Tv. Philip Zate (Education Secy HSA), Nk. Mary Khawbung (Cultural Secy HSA), Tv. Michael Joute (Games & Sports Secy HSA), Tv. William Lalramngai (Pub & Inf Secy HSA), Dr. Paul B. Chonzik (Adviser HSA), Pu Ramtharnghak Infimate (Adviser HSA), Pu John L. Varte (Adviser HSA), Pu L. Hrangchal (President KAHA), Pu Zabulkam Zate (Gen Secy KAHA), Pu Chawnghaulien Joute (President HYA), Pu Robert Varte (Secretary HYA), Pu Dominic Sumlal Faihriem (Finance Secy KAHA), Pu Thangchunghnung Faihriem (Executive Com Member KAHA), Pu S. Para Inbuon(Executive Com Member KAHA), Rev. L. Varte (Adviser HYA), Rev. F. L. Sawnga (Adviser HYA), Pu E. R. Ruolngul (Area Manager ICDP), Pu Zuola Varte (Val-Upa Leader) le Tv. V. L. Malsawm Thiek (Sub-Inspector, Diphu) hai hi ruot an nih.

HSA Platinum Jubilee Celebration Committee inṭhungkhawmna chu hung tlung ding August 30 chawhnung dar 3 khin nei nisien ti a nih.

HSA Diphu Branch / Joint Head-Quarters chungchang hi HSA Council 2013 hun khan inhriettirna le ngenna siem a lo um ta chu a thar takin HSA Diphu Branch tia hming chawia HSA Joint Headquarters le General Headquarters hai inhriettirna lekha pek nawk nisien tiin rel a ni bok.

Inṭhungkhawmna hun kharna dingin Pu L. Hrangchal (President KAHA) in ṭongṭaina a nei zoin suktawp a nih.


SHOW YOUR ADS HERE

Blog, Updated at: 10:27 AM

RECENT NEWS

RECENT COMMENTS

Blog Archive