HLS le Hmar kohran ṭhuoitu lu inrawnkhawmna nei

CCPur, August 25, 2014: Kar hmasak Inrinni August 23 khan Rengkai Govt. Hr. Sec. School-ah Manipur-a Hmar Literature Society (HLS) executive committee le kohran ṭhuoitu lu inrawnkhawmna nei a nih.

Hi inrawnkhawmnaa ṭhanghai chu:
(1) Rev. Ros Infimate
(2) Rev. Edwin Darsanglur
(3) Upa L.Kiemlo Pulamte
(4) Rev.Dr J.L.Songate
(5) Rev. Rosung Sinate
(6) Rev. H.B.Hluothang
(7) Rev. Dr. Lalhmuoklien
(8) Rev. Huolthangsei ṭhiek
(9) Rev. Lalrosiem Songate
(10) Rev. Tlanghmingthang
(11) Rev. Lalsandam
(12) Upa Lalropui Pulamte
(13) Rev. Rokhum Joute
(14) Rev. Thangsuolien ṭaite
(15) Dr. Lalkhawlien
(16) Dr. Laldawmlien
(17) Upa K. Lienzathang
(18) Upa Dr. Rosiem Pudaite
(19) Upa R.Tawna Khawbung
(20) Tawnluaia
(21) Timothy Z.Zote
(22) Vanlalbawi
(23) Zosangkim Pudaite
(24) Darlienthang
(25) Darsiemlien Ruolngul
(26) H.Zaneisang
(27) L.Ruoivel Pangamte
(28) Joseph Lalrothang le
(29) S.N.Ngurte hai an nih.

Rev. Dr. JL Songate’n ṭawngṭaiin inkhawmna a’n hlan zoin HLS Chairman Pu SN Ngurte’n key-note address a hril. A thuhrilhai:

(1) HLS hi September 25, 1945-a Dr. Thanglung rawi a, Lungthulien khuoa indin a nih.
(2) HLS thiltum – Hmarhai, lekha tienga an inṭhang lien deu deuna ding le University le Sawrkar chena khawm Hmar ṭawng hi a ṭul ang peia theitawpa nawr sang pei.
(3) HLS hmadawm – inchuklaihai inchuk ding Text Book siem le inchukna insang lema Hmar ṭawng inchuk a ni theina dinga Sawrkar nawr.
(4) HLS chu Kohran ṭhuoituhai zara tu ang ngirhmun tlung thei a nih.
(5) Hun hung fe pei a, inchukna insang lema inchuk thei dinga Sawrkar-in Hmar ṭawng a hung dawmsang pei le inzawmin Kohran ṭhuoituhai sin a hung rik talaw ding a ni ta leiin, 1989-a inthawk khan HLS enkawltu ding le ṭhuoitu ding Open Election-a thlang an hung ni tah.
(6) 1989-a inthawkin Hmar MIL chu pawl 10-ah Half Paper-a inchuk ṭan a nih.
(7) Nasa taka nawr a ni hnungin 1997-a inthawk khan Hmar MIL chu Full Paper-a inchuk theiin a hung um.
(8) 2000-a inthawk Hmar MIL chu pawl 12 chena inchuk dinga phal pek ei nih a, Pathien le mipui ṭhangruolna zar chau a nih.
(9) Manipur University level-a iengkim sukfel a ni hnungin, mi ṭhenkhat inrawlna leiin, Government level-ah harsatna a hung um a. Ei Minisiter Pu Dr. Chalton Lien Amo’n theitawp a suona zarin, Manipur University (Central University) hnuoia Degree level-ah Hmar MIL inchuk thei a hung nih.
(10) Manipur University-a BA subject pakhat (Elective Subject) dinga Hmar Paper ding hi buoipui mek a nih.
(11) Hmarnau taphawt chun, Short Story dam, Novel dam, Drama dam le Poetry dam, ziek sup sup dingin a ngen.

December 06, 2013-a, Aizawl-a, Jt. HLS (Assam, Manipur le Mizoram) Consultative Meeting-in a rel bawzuiin, November 18-19, 2014 khin Rengkai, Churachandpur-ah Assam, Manipur, Meghalaya le Mizoram haia Hmar Literature Society inzawmkhawmha’n General Body Meet nei dinga rel a nih. November 18 chu Rorelna nia hmang ning a ta, November 19 chu “Seminar on Development of Hmar Language” ni a hmang ning a tih.

Hi inrawnkhawmnaa hin Pu Joseph Lalrothang chu ‘Moderator’ a ni a. Literature Society hmalakna, a sukpher zawng le a sukphuoi zawnga hmalatu an um chu pawi a ti thu a hril a. Kohran ṭhuoituhai chun HLS hmalakna an thlawp thu puongin, Rev. Huolthangsei-in ṭawngṭaina’n inrawnkhawmna Programme chu a khar.

HLS OFFICE BEARERS (2010 – 2015)

Chairman: S.N. Ngurte
Vice-Chairman: Joseph Lalrothang
Vice Chairman: Upa Darliensung
Secretary: L.Ruoivel Pangamte
Asst. Secretary: Upa R. Tawna Khawbung
Jt. Secretary: David K.Zote
Finance Secretary: Upa K.Lienzathang
Treasurer: H.Zaneisang
Information Secretary: Darsiemlien Ruolngul