Platinum Cup Football le Star Hunt thu-a Imphal HSA thusuok

Imphal, September 3, 2014: HSA Imphal JHQs Platinum Jubilee Celebration Committee thusuokin a tarlang danin HSA Imphal khomin hung tlung ding September 13 khin HSA Platinum Cup Football le Platinum Star Hunt-a an JHQ aiawa thang ding hai thlang suokna le kum 2014-16 sunga thuoitu ding inthlangna nei an tum thu an hril.

Football Trial Selection hi Khuman Lampak Complex, Imphal-ah sun dar 11-in nei ning a ta, Star Hunt le thuoitu inthlangna hi Hmar Community Hall, Lamphel, Imphal-ah zan dar 7 (Kohran inkhawm zo)-in nei ning a tih, tiin an thusuok chun a tarlang bok.