HSLC 2014-ah 67.51% an pass

Aizawl, April 25, 2014: Mizoram Board of School Education (MBSE) chun zani khan High School Leaving Certificate (HSLC) Examination, 2014 result a suksuok a, in exam mi 18,469 hai lai 12,468 an pass. Pass percentage chu 67.51 a ni a, kum 2013 pass percentage 58.63% nekin a ṭha lem a nih. Lalremruati Sailo, St. Paul's HSS le Malsawmzuala Royte, St. Peter's HSS hai chu a pumpuia pakhatna an nih.

HSLC 2014-a pass hai hi regular student 10,917 le private-a in exam mi 687 an ni a; pasal 6,164 (68.64%) le nuhmei 6,304 (66.43%) an pass a nih. Distinction-ah mi 429 an pass a, first division-ah 1,955, second division-ah 3,569 le third division-ah 6,515 an pass. Candidate fail zat chu 5,614 an ni a, compartmental chance nei inchuklai 387 an um bawk.