31 AR le ZUF an inkaptuo: ZUF cadre 2 le AR 1 an thi

Imphal, May 23, 2014 (HT): May 21, 2014 zan dar 8:30 vel khan Tamenglong District sunga Nungba Sub-Division a Khambiron Area-ah 31 Assam Rifles le Zeliangrong United Front (ZUF) pawl an inkaptuo a, ZUF cadre pahni, Makudin Rongmei (42) s/o Lungnihai of Khoubum le Mathuilan Paomei (30) s/o (L) Paubulung of Maki Khullen hai an thi bakah Assam Rifles personnel Takhellambam Gokil Singh (23), Rifleman No. 5022003H s/o Dineshore of Lamshang Akham Leikai a thi a, Atwa Ekka, Rifleman No. 135041X a hliem. Gokil hi a phing le a changtieng dar-ah a hliem.

Helpawlhai manna ding hin AR han dappui an thaw a, zanikhan ZUF cadre ni dinga ringhla 3, Bokulchang Kheda (47) s/o (L) Goncharei of Nungba, Ephraim (28) s/o Achingpong of Nungba le Kaninglong Rongmei (18) s/o Zahuailung of Keikru Nungba hai an man. Bokulchaingkheda hi DI Driver a nih.

May 21, 2014 zan dar 8:30 vela 31 Assam Rifles han motor le kea inlawn vel hai an dap a, chu huna chun DI Tata motor a hung, chawl dinga an ti hnung khawma chawl lova a tlan thleng peiin DI sunga chuong mi 5 vel hai chun an hung kap nghal a, Assam Rifles hai khawmin an kaplet ve leia inkaptuona nasa tak hung tlung niin ei thu dawngna chun a hril.

Assam Rifles han ZUF cadres pahni thihai kuta inthawk AK-47 Rifles 2 le Hand Grenade pakhat an hmu. ZUF cadre pahni thihai ruong chu Postmortem thaw dingin RIMS Morgue-ah sie an ni a, AR hliemna tuok chu RIMS, Imphal-ah enkawl a nih.