HSLC Examination, 2014 result puong; a pumpuia pass 68%

Posted by Lalremlien Neitham

Imphal, May 16, 2014 (HT): Board of Secondary Education, Manipur (BSEM) hnuoia High School Leaving Certificate Examination (Class X), 2014 result chu zani chawhnung khan Dr Suresh Babu, Principal Secretary (Education) in SSA Conference Hall, Babupara, Imphal hmuna a puong.

Hi huna hin P. Dhanakumar, Chairman, BSEM le L. Rajmohan, Secretary, BEM hai bakah officials dang dang hai an ṭhang. Candidates 33876 an exam a, candidates 22985 an passed. Mi 8786 First Division-ah an pass a, mi 12896 Second Divisionah an pass a, Third Divisionah mi 1333 an pass. A pumpuia pass percentage chu 68 a ni a, pass Percentage chu ni kum nekin 5% in an hnuoi lem. Nikum khan a pumpuia pass percentage 72 a nih.

Pasal nekin nuhmei an pass ṭha lem. Pakhatnaa inthawk pathumna chen hai chu nuhmei vawng an ni bakah Nirmalabas School, Imphal a kai vawng an nih. Pakhatna chu Ms Sarangthem Sharliza Annoly d/o Manihar Meitei le Sachikumari Huidrombi of Mongsangei Boroi Makhong, Imphal a nih.

Churachandpur Districta inthawk St. Mary’s High School-a kai Mr Obed Letlensang Haokip chun marks 457 hmuin Top 12-ah a ṭhang phak a, ama ti lo chu Top 25 chena ṭhang phak CCPur District mi an um nawh. Top 25-naah K. Chungneithang Kom, Ratna English School Kakching a ṭhang bawk a, tribal mi Top 25 chena ṭhang phak midang an um nawh.

Board of Secondary Education, Manipur (BSEM) hnuoia hin 786 High Schools le Higher Secondary Schools (Govt. 226, Govt. Aided 103 le Private 457) an um a, Top 20 merit list-ah Govt. Schools a mi 2- Th. Sayalaxmi Devi le Ketherine Yumnam of Wangkhei High School hai an ṭhang a, a danghai chu
Private Schools a mi vawng an nih.

Hmar MIL topper chu Christina Roneikim of Sielmat Christian High School niin marks 94 a hmu a, Paite MIL a mark 95 hmu (toppers) 4 an um a, chuonghai chu Lamsonthang Guite, Vimala Raina H/S, Niangthianching, Hope Baptist Academy, Bible Hill; Thanglian Valte, YLS, CCPur le Zamminthang Guite, YLS, CCPur hai an nih. Thadou/Kuki topper chu Ngamgoumang Khongsai of Kangpokpi Mission H/S, Kangpokpi niin marks 94 a hmu a, Mizo MIL topper chu Alex Vanlalmuanpuia of Donbosco H/S, CCPur marks 87 a hmu. Zou MIL topper chu Daniel Haugoulian of Grace Academy, CCPur niin marks 92 a hmu a, Vaiphei MIL topper chu Paominthang Vaiphei of Calvina Academy, Champhai Village niin marks 88 a hmuh. Eini tlangmi subject topper-a ṭhang chu- Commerce-ah Mercy Nianglunmang of Rayburn, CCPur niin marks 88 a hmuh.