Manipur chief minister Ibobi Singh le a deputy Gaikhangam hai chu nikhat lai khan New Delhi khawpuia Congress Monitoring Group hai inṭhungkhawmna-ah an ṭhang ve a, an inzin lai hin Manipur Congress hotu pahni hai hin Congress president Sonia Gandhi le AICC general secretary le Northeast in-charge Luizinho Faleiro hai chu inhmupuiin Manipur-a Congress MLA 27 haiin Ibobi ministry thlak kuol dinga an norna chu hriltlang a nih.
Congress high command chun, Ibobi le Gaikhangam hai kuomah Manipur Congress party sunga buoina chu an theitawp suo a chingfel dingin an hril.
Manipur MLA 27 hai hin CM le a deputy ti lo cabinet minister 11 hai chu, speaker ṭhangsa'n, thlak dingin an nor a nih.
Thu dong danin, Manipur assembly session nei a hun vang ta leiin tuta cabinet ministry thlak kuol a rem naw ding thu hrilin, Assembly assembly zo tieng thlak an ni chauh beisei ani thu hril a nih.
Hienglai zing hin cabinet ministry thlak nghal dinga nortu pawl a pakhat chun hi chungthu hrilpui dingin chief minister inhmupui an tum thu a hril.
Loading....