Delhi khawpui-ah poitawktu an pung

New Delhi, July 21, 2014: Delhi Police hai sinsie anthoka a’nlang danin, tu kum Delhi khawpui sung-ah poitawktu an pung hle ni a hril a nih. Ni kum kumtluon khan police hai chun poitawktu thubuoi 80,000 an zieklut a, tu kum ruok chu kum bul anthok June 30 chen thubuoi 70,000 an zieklut hman ta a nih.

Police hai chun, thubuoi zieklut a pung hrat nasan thu-ah mipui ha'n an indikna chanvo an hriet theina dinga Delhi Police-in hma a lakna le sorkar-in mipui hai kuomah harsatna le buoina an tuok hai police kuoma soiselna thelut dinga an infui hlakna leia pung ni a an ngai thu an hril.

Kum 2012-a police kuoma thubuoi zieklut chu 54,287 a ni a; kum 2011 khan 53,353 a nih.

Tu kuma thubuoi zieklut tam lem hai hi rukruna, motor inruk, mi thil lakpek le thil ruk keihnawi dang dang an nih. Nuhmei pasal tieng hoi soiselna thelut zat chu 1,980 a ni a; ni kum sung khan 3,515 thelut a ni ve thung.