Phullen khuo hi June 1, 1987 khan ‘dry village’ a inpuongin, kum 27 sung an khuo-ah zu an lo khap ta a; Mizoram-ah zu khap ni ta naw sienkhom zu an dona leiin ra ṭha tam tak a suok leiin an khuo- chun khap sunzom pei an tum thu an khawtlang ṭhuoituhai chun an hril.
Phullen khuo a hin kum 27 sung zu an do sung hin Joint Prohibition Committee (JPC) an indin a; an khuo-a zu chawi luttu chu Rs. 500 le zu inrui hai chu Rs. 300 an inchawitir hlak a; zu chawi lut le inrui hai chu Rs. 500 an inchawitir hlak bok a nih.
Zu leia an man hai chu an hming, nu-le-pa, nuhmei le pasal hming hai notice board-ah an tar hlak bak-ah khawtlang dan an bawsiet thu khuo-ah khekringna hmangin an puong hlak a nih.
Phullen khuo hi Sinlung Hills huom sunga um, Aizawl anthokin km 125 vela hla a um a nih.
Loading....