Hi ‘Literary Meet’ hun thuma ṭhe a ni a, Dr. Lalkhawlien Pulamte chu moderator a hmang ni a ta; resource person a dingin Dr. (Rev.) Rochunga Pudaite, Rev. Hranghminglien Varte le L. Keivom hai hmang ning an tih.
Hun khatna a hin Rev. (Dr.) Rochunga Pudaite-in “Hmar le Inchukna” ti thupui hmangin hun nei a ta; Dr. L. Fimate le James Songrolal hai anthok an ngaidan le hmudan hai ngaithlakna nei ning a tih.
Hun hnina-ah Rev. Hranghmingthang Varte-in “Hmar ṭawng ṭobul” ti thupui hmangin hun nei a ta; Lalmalsawm Sellate le David L. Lungṭau hai chu an hmudan hrilna hun pek ning an tih.
A hun thumna a hin L. Keivom-in “Thu le Hlaa Hmarhai Ngirhmun le Hmasuon” ti thupui hmangin a hun lang a ta; Ms. Lalrothar, David Buhril le Joseph Lalrothang haiin an hmudan hai hrilna hun nei bok an tih.
Hun kharna-ah Hmar Women Association (HWA) GHQ president JL Sawmi le Hmar Youth Association (HYA) GHQ president Zothanmawia haiin HSA-in thu-le-hla tienga hriltlang dinga dawkan a buotsai chungchang le inzoma thu hrilna hun hong pek ning an ta; Joseph L. Infimate (Secretary, PJCC, HSA)-in ‘Literary Meet’ a fekhawm hai kuomah lawmthu hrilna a nei zoin, Rev. Saithanglur Joute-in inkhawm malsawmna neiin hun khar a tih.
Programme nei zo hin fekhawm hai ta dingin ruoi kilna buotsai ni bok a tih.
Loading....