India bak-ah China, Nigeria, Bangladesh le Congo rambung hai hi mi rethei tamna an ni a, hieng rbunga mi rethei um po po hi khawvela mi rethei po po hmun 3-a ṭhe a hmun 2 lai an tling a nih.
Millenium Development Goals Report 2014-a inlang danin, India hi khawvela mi rethei nei tam tak rambung a nih. Khawvela mi rethei um po po 100-ah 32.9 vel hai chu India-ah an um a nih. Kum 2010 khan khawvela mi rethei hmun 3-a ṭhe a hmun 1 chu India-a cheng an nih. Misery Index thunga chun India hi 21-na a nih.
China hi inṭhang nasa-in, ralthuom tieng-ah USA el phak ni deu thuok sienkhom, mihriem an tam hrim hrim a, mi rethei khom an tam a nih. Khawvel mi rethei po po 100-ah 13 chu China-a cheng an nih.
Africa-a mihriem tamna tak chu Nigeria a ni a, mi rethei khom an tam tak a ni a, khawvel-ah mi rethei kol tam tak laia pathumna a ni nghe nghe. Khawvela mi rethei 100-ah 9 hi Nigeria-a um an ni a, a 4-na chu India ṭhenum Bangladesh niin, mi rethei 100-ah 5 an kol vet hung a nih. Africa-a um rambung Congo chu a 5-na niin, khawvel mi rethei 100-ah 5 vel an kol bok a nih.
Loading....