Zani khan Jiribam-a AMSU, MSF, DESAM le KSA unit hai chun thuthar lakhawmtuhai AMSU office-ah inhmupuiin, 'total blockade' leia mipui harsatna an hrietpui leiin ni 7 hun sunga dingin ‘total blockade’ hlip a ni thu an puong a, amiruokchu, Jiribam sunga sorkar office hong lo dinga khapna chu ala fe zing ding thu an tarlang bawk.
Hienglai zing hin inchuklai pawl hai hin sipai venghimna hnuoia kuva ra le hna tol NH-37 lampuia inlon motor hai chu inhriet thiemna thuthlung ziek a um hma’n an inlon phal a ninaw thu an puong bok a, vauna an siem bok a nih.
Hieng inchuklai pawl hai hin Manipur sorkar kuoma a thil phut hai sorkar tieng anthoka an intiemna an sukpuitling naw leia nuorna inentirna’n ‘total blockade’ hi July 7 anthoka an ko ta kha a nih.
Loading....