Assam police hai sinsie dan chun Assam-ah pawngsuolna thubuoi kumtin a puong pei ni a hril a ni a, kum 2011 khan kumtling lo pawngsuol thubuoi 40 zieklut a ni a, kum 2012 khan 156-in a pung a, kum 2013 khan 230 a kai niin an hril.
Hienglai zing hin pawngsuoltu hremna a tlawm leiin, poitawktu an pung deu deu ni dinga hril a nih. Kum 2013 khan pawngsuolna thubuoi 230 zieklut nisienkhom, hi kum hi pawngsuoltu mi 4 chauh hremna pek an nih.
Child Rights tienga sinthawtuhai chun police haiin thubuoi anthoka sinsiena chu thil ngirhmun a suklang tak tak naw ni dingin an ring a, asan ni dinga an hril chu hiengang pasal nuhmei thubuoi tam tak hi zieklut an naw hlak thu an hril.
An hrildan pei chun, hiengang poitawkna hi poitawk hai hriet hlak a ni deu tlangpui niin an hril.
Kum 2013 khom khan Assam State Commission for Protection of Child Rights chun naupang kumtling lo lak-ah nuhmei pasal poitawkna thubuoi 33 zet zieklut nisien khom a reng hin la rel zo lo ni a hril a nih.
Loading....