Mizoram Football Association (MFA) president ni bok Lal Thanzara chun zani khan Tourist Lodge-ah Aizawl District Football Association (ADFA) general body meeting a hmangpuina-ah thu hrilin, "Ṭhalai 400 chuong State puotieng infiemmi ei nei thei nasan le Mizoram-in football hmanga hmarsak le all India-a champion nina an lak thei nasan chu sorkar-in infiemna khawvel-ah ṭhalai hai khawvel thar a siem pek lei le ṭhuoitu hmasa hai inpekna ra a nih,” tiin a hril.
Health minister ni bok Lal Thanzara chun, Mizoram-ah ruihlo ṭium tak ‘crystal meth’ hmang a ni lak thu hrilin, "Hi thil ṭium tak, hringna latu le ram hmelma hin nasa taka Mizoram a suksiet hma’n sukrem vat a ngai,” tiin a hril a, infiemmihai le an ṭhuoituhai chu meth-in Mizoram ṭhalai hai hringna a lak nawna dingin sorkar thlop tlat dingin a fiel bok a nih.
ADFA-ah hin first division club 8, second division club 8 le third division club 57 an um mek a nih.
Loading....