Lalthansanga hi Inrinni khan police station-ah ko a ni a, pseudoephedrine mum strip khetu ding mi a sor hlak thu le strip khat khe man-ah Rs. 1 pei a’n hlawtir hlak thu police kuomah a hril a, drug licence a nei niin a hril bawk. Damdawi mum man hai hi khesa vong niin polythene-a fun a ni a, fun khat hi kg. 2 vela rik a nih. Police hai i man po a reng hin polythene 51 a nih.
‘Khehpuam’ man le inzom hin police hai chun Thansanga buk te enkoltu Chinmuanthanga s/o Khungzakham khom an man ta a, Lalthansanga ruok chu man a la ni nawh.
CID hotuhai hrildan chun, Lalthansang hin pseudoephedrine tol theina license a nei thu hrilin, license a nei dan le pseudoephedrine damdawi hi dan kala tol a ni am ti hai suizui phot an ta, chu dungzui chun an man ding thu an hril.
Loading....